..

السلام عليكم ورحمة الله وبركاته , وصباحكم بركة وخيـرْ ,

أتيت بِـ قصيدة للملك " فيصل بن عبدالعزيز " - رحمه الله -

وَ القليل ربما يعرف أن الملك فيصل رحمه الله من الشعراء المجددين للشعر ..

وسبب عدم انتشار شعره .. هو كراهيته لذلك ..

اي انه كان رحمه الله يكره أن يعد من الشعراء ..

او يقال عنه شاعر !!
وَ

مُناسبة القصيدة :

انه لما كان أميراً للمنطقة الغربية الحجاز في الستينيات وكان وقتها شاباً وكان يحب مداعبة بعض

رجاله من الشعراء ومن تلك المداعبات , تلك التي حصلت مع الشاعر عبد الله بن لويحان الباهلي ..

وقال فيها رحمه الله :


/

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ألا يا من لقلبٍ كل ما جا الليل جاه خلاج =يلوج ويجتلد بالصدر والعربان ممسيني
انا متحيرٍ ما ادري عن المدخال والمخراج =الا واعمس رايي ما لقيت اللي يقديني
الا يا مجيب دعوة من تصافق فوقه الامواج =أنا بحماك يا والي الخلايق لا تخليني
ألا يا وجْد روحي وجد من خلّوه بالمسهاج = كسير الساق بنحور المعادين المغلّيني
الى من دك هاجوسي ولو اني على ديباج = ولو جَنّي جميع البيض غيره ما يـــــسليني
الا واهَني مخلوقٍ يفرّج ضيقة الادلاج =الى منه دخل بالسوق غادٍ له مياديني
ترى بعض العرب عمْلَه بروحه مثل عمل سراج =يضوي للعرب والنار في قلب المسيكيني [/poem]



فرد عليه الشاعر عبد الله بن لويحان فقال :


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الا يا مسندي دنياك ما تحتاج ما تحتاج =ترى اللي سالمٍ منها تعاقِب فيه رمحيني
تصبّر والفرج يا مسندي من والي الافراج =أكودك عقب صبرٍ تسعيد العشر عشريني
ورا ما تعتبر باللي يضدنّه ظلاف العاج = يورّد حمله الجاير ويصبح خاطره زيني [/poem]



وَ دمتم بكل ودّ وَمَحبّة

مَـيّـرْ