احبائي المرقابيين
كل عام وانتم بخير

الابداع يحرّض على مجاراته
وهنا مجاراه متواضعه لقصيدة مروي الذائقه القدير / عائض النفيعي
وعذرها يبرى لها

قصيدة عائض تحت هذا الرابط

http://www.montada.mergab.com/showthread.php?t=51591



[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
غنّى المغنّي وقافه غير=شاعر هجوسه حقيقيّه

يستاهل القدر والتوقير=على البيوت الهجينيّه

يفداه من يجلب القصدير=هذي سبايك ذَهَبيّه

كم له متابع وجمَاَهير=بين الشعوب الخليجيّه

ومن يحسب الشعر راح شْعير=لا يستمع للعليميّه

الله يغفر ذنوب العير=ويرحمك يا فيصل العيّه

أقـُدم يا عايض وحثّ السير=على الذلول العْمانيّه

وأعزمك في مهرجان تْمير=وأسقيك فنجال بريّه

معك على الخط ...والتقصير=ماهوب لا لك ولا ليّه

لو سالم الزير دق الزير=شتتّ جموع الحراميّه

أما يجيب الغطا للبير=والا ملى البير ردميّه

حنا تعبنا من التنظير=نحتاج حُلول جذريّه

والا يَمَا من هل التنصير=وأحزابهم الاشتراكيّه

ومدري ايش تبْشيرٍ وتنْوير=وسَلَفيّه وليبْراليّه

ورهبانْ يبغى فمكه دِير=للجاليات المسيحيّه

هو يحسبنها لعين الصّير=ماللحرمين قدسيّه

والهند تضحك على كشمير=والقدس خلاص منسيّه

ونقدم العذر يا شامير=عمّا حصل قبل هذيّه

نمشي على خطة التهجير=وسياسة القمْع شرعيّه

وأمجادنا راحت أساطير=وأجدادنا نارهم حيّه

وصفق الهوى اللي يهبّ عْصير=هز الشعوب العَرَبيّه

نواقص الدار في التعمير=ومراقص العار ليليّه

وبضائعٍ مالها تصدير=جتنا فالأسواق مشريّه

والكاسب يحاسب الكاشير=ويحصّل عيون سحريّه

ويسري يغنّي عبر الأثير=مرعيّه يالبنت مرعيّه

نفتح محلات للتوفير=واللي نبي قـُل صرفيّه

ونحاول نحجّم التسعير=والأسعار تبقى خياليّه

وعن التهاليل والتكبير=جتك اللحون الغنائيّه

والمزنه اللي على أغادير=ما خيّلت غير وسميّه

وآقف تحت لوحة التحذير=مْن أنظمتنا المروريّه

وودي أتحدّث عن التفجير=بكلّ صدق وشفافيّه

وأخاف بكره يقول عْوير=إنّ القصيده سياسيّه[/poem]