'
يا اللي تنادين ! روحي .. ، لا تناديني ،
ساقتك الاقدار لي من عرض ماساقت
ما انتي هوى بالي ولا انتي نظر عيني
جعلك فدا اللي : تشوقني ليا اشتاقت !
تحبني و تعرف لا ضقت وش فيني ..؟
ما كأنها الا ورا ضلوع الصدر واقت !
جتني على الكيف واختصرت لي سنيني
كل الوصوف الجميله .. فوقها ، لاقت
ما تقطف الورد ..! تزرع لي بساتيني
كأن السعاده غفت .. وبشوفها فاقت !
لا فكرت فـ الفراق .. تشوف انا ويني ؟
و دموعها من على خدينها .. راقت !
و انا لا غابت .. ادورني .. ما الآقيني
من يوم ما غابت .. الدنيا علي ضاقت !
'
|