[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياوقت مع همك لفتنـي بلاويـك=وسكرت في وجهي جميع الوسايل

أمن أول ٍ ياوقت ناخـذ ونعطيـك=والحين كلن فيك شاف الهوايـل

حذفتني ياوقت وسـط الشرابيـك=وحمًلتني حمل ٍ من الجور مايـل

أمد لك يمنـاي وتكـف أياديـك=ماكنك إلا مـن عيـال الحمايـل

صحيح ضاعت هقوتي في هقاويك=وأصبحت لاقاصر ولانيب طايـل

لكن لي نفـس ٍ مداهـا يجاريـك=ماتنثني لهـروج قيـل ٍ وقايـل

ولاهمها هرج الخبول الصعاليـك=اللي على الفتنه تشـب الفتايـل

ناس ٍ تبسم لك وهـي ماتدانيـك=وقلوبها من فعـل كفًـك غلايـل

وقت السعه تسمع كلامك وتوحيك=وليا حكت تصهل صهيل الأصايل

وفي ساعة الشده تبيعك وتشريك=أبروق صيف ٍ في خفيف المخايل

لو بضرب الأمثال ياالآدمي فيـك=معـاد يبقـا لـلأوادم مثـايـل

[/poem]