،
،
،

[poem=font="Traditional Arabic,5,crimson,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

صحيح مالك ذنب.. ولا انت تلام=الذنب.. ذنب احلامي وامنياتي ؟

خلني اعيش اليوم في كذبة العام=لاصار مابه صبح بالغد ياتي!!

مع المكاتيب القديمه والاقلام =يوم المحبه غرس.. والشوق عاتي

مع جيتك .. يوم الوله (قلب / واقدام)=ونظراتك الخجله .. وكثر التفاتي

مع عضة شفاك العنب والتبسام =ولا قلت لك : احلف .. وقلت : وغلاتي

مع كل شي ٍ قلته بشوق وهيام=معك معك .. لكن على ذكرياتي !!

خلني مع الامس الندي .. والتندام = مغنيني الماضي عن المقبلاتي

لاصار حبك حلم .. اتركني انام=احيان بالكذبه .. تجيك احسناتي!!

ماقول يقطع حظي وسود الايام=يقطعك ياظني ويقطع رجاتي

لو مالخيال اللي بعمري والاوهام=كان الحزن والياس .. دمر حياتي[/poem]

،
،
،