[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

كلش على ماقيل من قبل مقيول=ماعاد للشعار شين تقوله
كم هاجسن وارد من القيل منقول=تشابهت با السوق بعض العموله
واللي يبا تجديد الافكار معقول=وشين اليا غير تغير قبوله
يبقا التراث اتراث تاريخ ابا الهول=حضارة الاسلاف عنوان دوله
رمسيس له ميزه وعبره ومدلول=وشعبيتة بصدور ناسن عنوله
وحنا لنا ميدان عامر ومدهول=بالأوسمه والاحزمه والبطوله
من هاجس الافكار و الشعر مصقول=لو الفضا قامت تقارع طبوله
جزل القرايح ما تبا دف وطبول=لو كلن اسرج للمعاني خيوله
الايق الدارج من القول مقبول=وعبارت الابداع في كل جوله
لاصار باب النقد مغلق و مقفول=من جاب جمهوره معه صفقوله
لو ماش علم بزبدة العلم مفتول=مبني ولو ماهو على حسب اصوله
الشعر له ساحات من دون مسؤل=لو ينحكم كل العقود محلوله
ما امسا الجزيل بكفة الهزل مجهول= واللي بخاطر بادعه ماينوله
لاكن ترا مستصنع الشعر مبدول=عبادت اوجيه العباد اشهدوله
اليا حضر ممدوح وان غاب بهلول=يستانسون اليا خثعت به ذلوله
جبلةٍ فيها اكثر الناس مجبول=نفسه عليها باركه ومعقوله
من الحيا بعض المخاليق مغسول=عن الحيا بعض الوجيه امغسوله
بالمجتمع منهم نموذج ومقلول=وغالب جماهير النشاما رجوله
على مناهج حدها السيف مصقول=ومنطوقهم كل الرجال انصتوله
منطوقهم لو طال ماهو بمملول=والكل منهم ما يهس ابميوله
وهاجوسهم ماهو مقيد ومشلول=وناسن تقيد هاجس الفكر هوله[/poem]