منتديات المرقاب الأدبية - عرض مشاركة واحدة - كـل آلــدول فـيـهــآآ قـوآنـيـن وأحـكــآآآم .. !!

#1 23-09-2010, 01:13 AM

بسم الله الرحمن الرحيم

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
كل الدول فيهآ قوانين وأحكام=أحكام من فعل البشر مستمده
إلا بلادي شرعها شرع الإسلام=والخير فيها كل زاير يعده
منها سطع نورٍ نبذ كل الأصنام=وباب الجهل والشرك والظلم سده
مهبط وحي قبلة مصلي وصوام=اطهر بقاع الأرض ئلف وموده
فيها حرم مكة توافد له أقوام=ومسجد رسولٍ معقل الشرك هده
وفيها تكَشف رؤس ويوحد إحرام=وكلٍ يلبي رافع كفوف يده
وفيها بصوت الحق للخمس زهام=وناسٍ تلبي للنداء مستعده
في كل حي يشدنا صوت الإمام=في جو روحاني بصوتٍ يمده
وعيدين تأتينا من العام للعام=نفرح بها مع منهج الشرع مده
ولا وَضع في دستورها شنق الأعدام=السيف حسب الشرع تقضي بحده
وأيضا ً علمها فرق عن كل الأعلام=أنا اشهد أن مافيه فالكون نده
فيها الوفاء فيها السخاء دار الإكرام=وشيءٍ تكل أقلام ماحصيت عده
كانت شتات وخوف وأحزاب وقسام=ونفوس تقتل بين غاره وصده
كم خيراً تعاقبه شلف وسهام=قلوبٍ عن الرحمة بعيده مصده
ماله منيع ولامن القوم رحام=بليا سبب متوسد القاع خده
خلي تناهشه الزواحف ولاقام=عشاء السباع بسهلةٍ مجرهده
سلب ونهب وأحقاد وإضغان واخصام=قبايل ٍ في بعضها مستبده
كانت صحاري قاحله جوع وسقام=فقر وخطر والظلم محدٍ يرده
وجاها العديم اللي على جوها حام=صقر الجزيرة موصل العلم حده
بالصدق والسطوه وتثبيت الأقدام=اخلف هقاوي أهل الرمك ولاشده
لنصرة المظلوم عزام جزام=واستسلمت للأمر بده وبده
ماجت بحب خشوم جتله بصمصام=بالحرب وإلا السلم كفه يمده
من حد صنعاء لين شرف على الشام=ومن ساحل الشرقي إلى بحر جده
شامت لأخو نوره بعد شلف وحسام=واضفاء عليها الأمن من بعد شده
زاح الظلام وسادها ود ووئام=وستأمن الشاوي بجنب الموده
أسس قواعدها على خير مايرام=وسلم رجالٍ كل طامع ترده
حكامها لاجيت للحق حكام=لابرلمان ولانتخابٍ تعده
واليا رحل ضرغام جاء دور ضرغام=ورثٍ لبوه اللي حفظ ورث جده
دولة أمان وخير وأرزاق وأنعام=وشعبٍ كما البنيان قوة وشدة
بلد سلام يطوره كل مقدام=ومن الشريعة منهجه يستمده
[/poem]