وأن كان مارديتـه الشـك زايـل
جعله فدى حجازي وفـدوة تهامـي
على العموم إحذر ترى الحمل مايل
والوضع كله شين والجـرح دامـي
أعزب ولاقد رحت قسـم العوايـل
واليوم راحت ملح كل الأسامـي !
ترى الزمن هـذا زمـان الهوايـل
اللاش يروى فيـه والكفـو ظامـي
حتى الذهب معروض جنب الفنايـل
وصار القفـص للببغـا والقطامـي
قلنا خطـا وبْـلا شهـود ودلايـل
قالو نظام وسـر وخلـك نظامـي
ها يالمسرّي قـل لضلعـان حايـل
هذيـك واشنطـن وهـذي ميامـي
وإقدح يازنـد وولعـي يـا فتايـل
وإدحم يا جنبي وإنكرب يا حزامي !
الله الله وادحم يجنبي وانكرب ياحزامي
صح لسانك يابو يحيى والله يعافيك
|