صالح الضويحي

موووت الكرامة


[poem=font="times new roman,5,purple,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]



قبـل العلـوم وصحهـا مـن غلطهـا=نفسي عزيزه وأفهـم العلـم ياهـنّ ؟!
من قال لك " كوفيـة " الـرأس مطهـا=من قال لك حتى " تمكـن " تمسكـنّ ؟
أقـرأ الحـروف اللـي عليهـا نقطهـا=وردد صدى صوت الحزين ومعـه ونّ
قصيدتـي يسبـق رضاهـا سخطـهـا=واهج غضبها فيـه نفـثٍ مـن الجـنّ
خذها غنيمـه لـك نصيبـك صفطهـا=وأرقص على الحبلين وألعب على الصنّ
ونفسك من اللي يلحـق الوجـه عطهـا=وخذ من حطام كنـوز دنيـاك بالطـنّ
وغيّـر ب"روتيـن " الحيـاة ونمطهـا=وأضحك مع الدولار وأرقص مع اليـنّ
وأدفن فقـر شهـب السنيـن وقحطهـا=وموت الكرامـه كـل ماتذكـره غـنّ
ما أنت الوحيد اللـي حصاتـه قرطهـا=بالمنهـل اللـي عـن طريقـه تمكـنّ
كـم نـاورت رؤس النفـاق ابلغطهـا=بيـن أنعـدام الـذوق واحكايـة الفـنّ
وفي وسط الأمة " ثلـةٍ " مـن قبطهـا=تظهر حسب " طقس المنـاخ " وتلـونّ
نـاسٍ كشفـنـا بالنهـايـة اخططـهـا=وحنّا أول المشوار نحسـن بهـا الظـنّ
تغيّـرت مـن يـوم ربــي بسطـهـا=وبعد الوفاء صارت مثل سوسة السـنّ
واهل الرداء بالمال مـا احـدٍ غبطهـا=خِسـران دنيـا وديـن مهمـا تشيطـنّ
وقبل أنتهـي خـذ هالمقولـه وحطهـا=تصحيح صـورة لا حسافـه ولا مـنّ
أن بعثـر الوقـت الأمـور وخلطـهـا=موتك فقيـر00 ولاغنـاء ذل ياهـنّ؟!

[/poem]