للتواصل بعد الغياب لكم هذه (والمعذره)

^
^

(بلا عنا فلا طعمَ للحياة)


(ومن لم يذقْ المرارة / فلا يستلذٍّ بطعم السكر)

^
^

[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
خيّم سحاب الهم في عين الغناوي والفقير = والضّيم يشرب وقتنا من كاسه المتريبي
لا يا زمان العاصفة لا دقت اجراس الصرير = والناس بشراعك (تواما) بين شرق ومغربي
الحمْل جاير والمسافة طالها الدرب العسير =واللي بلا ساق ٍ قويّ الله يعينه ويحبي
لو طالت دروبي انا رجلي على دربي تسير= ما قلت كلّت خطوتي ماقلت حامض يا اعنبي
ما بين تلويع الزمان وبين تحديد المصير=وعزومي اللي ما تثنابي وموقفها ابي
اسج فكري والقدم ما عشت فالدنيا ضرير=طبعي لصكّات الليال السود اعرضّ منكبي
لو الليالي وجهها وجهٍ عبوسٍ قمطرير = وجه الاماني ما عبس والياس يخشى ويهبي
ازرع طموحاتي على وجه الليالي واستخير =واطلب من الله فالق البذره يحقّق مطلبي
دام الرضا سيد القناعة والصبر يقفاه خير =الصبر زادي والعروق امن القناعه تشربي
اشعل قناديل الفرج واسامر الليل الهجير =واسلّ شامان الرجا وذبّ تمثال اتعبي
العاقل اللي من صلوف الوقت عقله يستنير = يكسب عِبَر مع كل طقّه والغبى طبع الغبي
من راقب العالم يموت بهم يجتاح الضمير =راقب زمانك والخلايق شي منها ما تبي
واللي على متن الليالي خاطره صاير كسير =جبر الخواطر عند ربٍ فوق خلقه يرقبي[/poem]

(تلويحه)

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]

عجيب يا ذا الوقت من دون تعليل=ما هي غريبه نكْسته وانقياده
يصفي لنا يومين ويشع قنديل =وايام يثوينا بظهر الوساده
اَصبر واّصابر ما برد فيني الحيل=واقول ما تصفي بليا نكاده
واسربل الماضي برجوا المقابيل = حتى يصافح شف قلبي مراده[/poem]