قديمه عليها بعض الطلب الذي يشفع لها أن تكون هنا ..
ولولا عفـّّاس وقوانينه يمديها في المواهب

[poem=font="Simplified Arabic,5,black,bold,normal" bkcolor="transparent" bkimage="" border="outset,2,black" type=2 line=1 align=center use=sp num="0,black""]
الوقت .. حتـّيش يا سطوة جبروته=[. حنـّا عتيبه من العارض ليا الحرّه .]
والشاعر اللي صدى صمته .. غلب صوته=لو يزعج الصوت ما أوحى له صدى .. مرّه ..!
في خاطره .. كلمة ٍ من عام مكبوته=تعرض على البوح .. بعض أحيان وتمرّه ..!
كم خيبت ظن صدقه .. في ملكوته=خيبة ظنون العرب في .. نصرة الدرّه ..!
على الوعد ينتظر .. والكلمه تفوته=دايم .. وهي للغياب المر مضطرّه ..!
والهم .. يا شاعر الكلمه ضمن قوته=من كبدك اللي من الحرمان .. محترّه ..!
وقتك يشوت السعد وحظوظك .. تشوته=وإن ما نقص خير وقتك .. ما نقص شرّه ..!
إقر الرسايل .. وسجل داخل النوته=واكتب للاجيال بعدك .. كلمة ٍ حرّه ..!
دوّن .. قصيده على الأيام منحوته=مع كل صبح ٍ جديد .. تعاود الكرّه ..!
من شان لا قيل بكره .. منهي بيوته ؟=لا قالوا فلان .. قالوا للولي درّه ..!
الادمي لو عرف قلبه .. متى موته !!=ضرّه حساب الدهر والعرف .. ما سرّه ..!
ولو كان للنعم رجل ٍ .. يحفي سبوته=ما يآمن النذل عقبه .. يدفن الجرّه ..![/poem]

وهكذاااا

@s_7amd