بسم الله الرحمن الرحيم


السلام عليكم ورحمة الله وبركاته

اقول
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


صحيح ذا معطى وهذاك محروم=نفس عطاها الله ونفس حرمها
والنفس ماتاخذ سوى شي مقسوم=واللي عطاها معطي ماظلمها
دنيا تدور ايام يوم ورى يوم=سبحان منهو بالعداله حكمها
احد تجيه اصناف من كل معدوم=واحد تفوته فرصته ماأغتنمها
واللي لها في داخل القلب مرسوم=ورزت على اطراف المحاني علمها
يحرم على طرد الهوى حرم زقوم=مع غيرها لو إن ربي قسمها
إم العيون اللي بها الحد مسموم=ياطول ليل اللي يطوله سهمها
في نونها صحوه وفي رمشها نوم=وكن السواد إمع البياض أقتسمها
ولولا النقاب اللي على الوجه ملموم=كان النحل يجني من اطراف فمها
وجوري وكمبودي وعنبر ويشموم=ماهوب شي عند بنة نسمها
والعود متناسق ومزوي ومزموم=وجرة خطاها مثل جرة قلمها
وكله بكوم وطقة الخطوه بكوم=تهزها من راسها ليقدمها
تشبه صنيع من خيول إبن مكتوم=لالبست سرج ولا احد لجمها
مال الجمال بغيرها حظ وقسوم=بدا بداية رسمها واختتمها
تطري على ويثور في الجوف ملغوم=ثورة براكين تساقط حممها
وانا وهي والحظ عظم إبلعوم=نبني بنايات الوصل ويهدمها
وابقى وتبقى داخلي سر مكتوم=قضية عيا النصيب يحسمها
مدري هي إمن الفرس وإلا من الروم=ولا وش قبيلتها ولا ويش إس إم ها!
اخشى عليها هرجة البوم للبوم=هذا يسلمها وذاك استلمها
ناس تجيب علوم وتودي علوم=اللي تحط الباطله في ذممها
ويردني منها تقاليد وسلوم=أهل الشيم ماهي تضيع شيمها
يرقا بها فكري عن الهون ويشوم=فكر صيوده غفل محدٍ وسمها
ليطب في سوق الغلا يفرق السوم=واهل العقول الزاكيه يحترمها
أكفخ بجنحان الادب وابعد الحوم=واحرم الهزله لحمها ودمها
ومن صام طول الوقت وافطر على ثوم=ليته قعد صايم ونفسه فطمها
يبقى على صومه معزز ومحشوم=بعض المكاسب خير منها عدمها
وسلامتكم
[/poem]