عليكم السلام ورحمة الله
يااللي بذكره تطمئن النفس ويصيـر المتـاع
مشفي جروح اللي صواديف الشقاوه لاعتـه
تجلى الهموم اللي كما المركب ليا فل الشراع
والوقت بحر من المشاكـل ماعرفنـا قاعتـه
امشي واساير وقتي الماخوذ قدر المستطـاع
ولاني على كثر الظروف اللي تجيني ناعتـه
وياهاجسي مهما حصل بالوقت فامر الله مطاع
يزين حال الادمي مهمـا المشاكـل صاعتـه
مابعد عسر الحال غير اليسر لو طال النزاع
لابد تصدف مع مرور الوقت موعـد ساعتـه
يجي فرجها من ولي العرش مالك كـل بـاع
مادام من يشري رضا دنيا الشقـاوه باعتـه
سبحانه
وصح لسانك يـ الشاعر
ولاهنت على هـ الشااامخه والجزله
تقديري لك’,,
|