منتديات المرقاب الأدبية - عرض مشاركة واحدة

#1 15-10-2010, 06:39 PM

بعد التحية أعزائي:

تقبلوا هذه المتواضعه:

لذوقكم الرفيع ....

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
من غبت والشوق مسرف والفرح مستحيل=يفك باب الحياة ويفتح أقفالها
أخيل بارق وصولك في عروض المخيل=عسى مزون الوصال يصدّق اخيالها
والضيقة اللي لها بين الحنايا مقيل= يحطها الصبر ويعوّد ويشتالها
الله على غيبتك والله عليها وكيل=تقيم من حالها وتشد من حالها
لاقلت طوّل غيابك قلت صبرك طويل=عوّدت أجلّ أمنيات الروح بجلالها
حطمت حتى سؤلات الفواد العليل=لو ماتجاوب عليها يمكن أشوالها
خليت بين الأمل والحلم 200ميل=أبسط حقوقه تناوشها ولاطالها
حتى القصايد بعد غيبتك هم وعويل=تقول مرثية ٍ بالحزن يرثالها
أشكي على الصبح ليل ٍ كان دمه ثقيل= ويقول سود الليالي مالي ومالها
لاهي تخلي كثير ولاتخلي قليل=ولاعلى فكرها ولا على بالها
ياما تقهويت دلة غيبتك كل ليل=متى على الله تجي وأهز فنجالها
طلتك عقب الغياب الجم رأس الدليل=انعش عروق الفؤاد اليوم بوصالها
هذي مداهيل حبك قبل ذاك المحيل=ولا محّى جرتك جرة فـــ مدهالها
وهذا جمر الإشتياق اليوم عوّد مليل=تنصّب فوقه بحور العذل ما أصغالها
وهذي سواليفنا اللي للتمني تميل= زحمة حكي صابها الواقع ولا أغتالها
شمس الغياب أحرقتني وأنت ظلك ظليل=تعال خل الهموم تموت بلحالها
ضميت ماك القراح الصافي السلسبيل=وجوّعني الوقت لعيونك وترحالها
سكوتك أنفاس عطر ومنطقك طعم هيل=ولحظك فتور وعيونك سلّت اسلالها
وخدك تباشير صبح وبه من أطراف ليل= والله يبارك بها اللي حبها خالها
تعال وإنس الغياب ولاتطرّي الرحيل=مايذبح شعوري الاّ طعنه إهمالها
ولاتفكر تغيب تغيب شمس الأصيل=غيبتك الأولى جبين الحرّ يندّالها[/poem]