منتديات المرقاب الأدبية - عرض مشاركة واحدة

16-10-2010, 04:26 PM

:
:
1
( واحد / وحده ) تقابله لأول مره عند ناس تعرفهم , ومن الغد يتصل بك ويطلب ( سلف ) 2000 ريال ,
وتقول : ابشر متى تجي تأخذها؟ ويقول : جبها لي للبيت الله لايهينك ,وياليت تجيب معك كيس رز ابوكاس ! ها كيف تصرف ؟
- اكيد دام قلت : ابشر .. بأنفذ له اللي يبي وبجيب الفلوس وكيس الرز .. وأذا طلعت من عنده برسل له رسالة واقول فيها :
ياخي ليه انت كذا .. ؟؟
<-- يحلفون أنه ليندم أنه طلب (( سلف )) .. !!
2
( عامل / عامله ) يجي ويشتغل عندك فالبيت , وبعد شوي تفقد جوالك وتدوره ماتلقاه , وتجي عند السباك وتسمع نفس نغمة جوالك في مخباه
وتلاحظ انه حريص مايرد قدامك وش تاتسوي ؟
- نغمة جوالي واضحه يعني با أتاكد ان اللي معه جوالي .. وبيسمع نغمة (( الماصورة )) في راسة .. !!
<-- ماعاد الا هي (( نسرق )) على ارضنا وبين جماهيرنا .. !!
3
رحتـ / ي لطبيب اسنان تشكي من ضرس وقرر يقلع الضرس بـ 150 ريال ووافقت , وعند الفاتورة طلبوا منك 300 ريال
لان الطبيب قلع ضرس ثاني من كيفه ها ماذا تفعل ؟
- بقول : اعطيكم الـ 300 بشرط اقلع ضرس الطبيب .. والا انسوا اجر قلع الضرسين كلها .. !!
<-- خل الطبيب يتوب عن قلع الضروسـ ي .. !!
4
تروح تخطب من ناس مادحينهم ناس واجد
ويقولون لك : انت رجال مافيك قصور لكن البنت اللي خطبتها معها ( ماجستير ) ولاراح نزوجها الا لدكتور
ويعرضون عليك اختها الكبيره اللي معها ثانوي ها علمني كيف ترد علاهم ؟
- بقول عادي لو تعطوني (( أمها )) ومامعها حتى شهادة ميلاد .. !!
<-- من زين وجهي بأتشرط بعد .. بس هي تجي تلك اللحظة .. !!
5
تدخل الى مطعم وتتفاجأ بواحد يرحب بك ويحتفي بك احتفاء غير عادي ويسلم عليك بحرارة ومعه 4 اشخاص
وبعدين يقدمك لهم بأسم غير اسمك ولاهو قريب منه - اسم واحد مشهور -
ويصر هو واللي معه على انك تتعشى معهم ها قل لي ماذا ستفعل ؟
- أذا شفتهم مصدقين بأتعشى معهم واطلب مالذ وطاب .. وأذا خلصنا من العشاء بقول :
معكم سلف (( 2000 )) ريال .. عشان اعطيها صاحبنا في رقم (( 1 )) .. !!
نبا نسد حوائج الناس بالناس .. !!

مواضيعك غير يـ (( بومروي )) .. !!