[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لاتزيـد الجـرح يَكْفينـي القديـم=جرحك السابـق بقلبـي مابـرى
لاتحّـول جنـة الحـب الْجحـيـم=واعرف اللي باع عكس اللي شرى
لاتلاعـب بالمشاعـر ياغشـيـم=واعتدل لعـل ننسـى مـا جـرى
الجروح الماضيـه لفحـة نسيـم=ومن يخاف الليل عمره ماسـرى
نبتـدي باليـوم مـع دربٍ سليـم=ونْتجاهـل مامضـى يرجـع ورى
إخذ قلبي واحتجب وسطـه وقيـم=ومن ضلوعي حط لك بيـت وذرى
وخل لمساتـك علـى قلبـي رنيـم=نشعل الشمعه ونلعـب ف/الثـرى
أنت حب اليـوم والحـب القديـم=وأنت من اختار قلبـي واشتـرى
بس لاتجرح ترى فـي الجوغيـم=لجرحك السابق ترى مانْسى ترى
ومن هوانا..فـي مَحَبّتْـه ابْنهيـم=ومن خدع نرميه مع طلعة كـرى [/poem]