[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
اهل الشعر يشتكون الساحه اليوم = واقول ياصبر ساحتنا علينا
لو عندها لسان .. كان علوم وعلوم = مااظن يسلم ولامخلوق فينا
هذاك في المعمعه مبدع ومظلوم = ندري به وعنه كنّا مادرينا
لانه لاتاجر ولامن علية القوم = ولامعه واسطه ولايجينا
وهذا شويعر لكنه شخص مهظوم = وجميع مافي يدينه في يدينا
عشاننا ينتهض ويطيح ويقوم = ويعرْف حاجاتنا لو ماحكينا
واهل الاناشيد بين البيع والسوم = الا اللذين امنوا والا اللذينا
تردعهم امور من عادات وسلوم = لو لاخذينا فلوس ولاعطينا
مير ازعجونا بكل انتاج وألبوم = لين انصقهنا وضعنا وانعمينا
قصيدنا صار يصنع منهم نجوم = والناس تنظر لهم ماهو الينا
ياساحة الشعر لب ّ العلم معلوم = حنا جلبنا بلانا في يدينا
لو تزعل الفرس والا تزعل الروم = رضا الله اولى وطاعة والدينا[/poem]
.
|