منتديات المرقاب الأدبية - عرض مشاركة واحدة

23-10-2010, 07:38 PM

هلا يامحمد الشويب ............

كلامك ماعليه اختلاف ابد وانا معك قلباً وقالباً .

فعلاً نحن نحتاج الى توعيه في هذا النطاق خاصه لدى الشباب .......

لكن الأطم والأدهى ان الشباب ايضاً متعصبين من ناحية هذا الموضوع .

من اجمل لحظات الزوجين هي النظره الملتزمه بالضوابط الشرعيه . واذا تمت الخطبه اصبحت زوجته واجمل من ذالك مايتخلل تلك الأيام الأتصالات والمكالمات الحميميه وتبادل الهدايا , التي تزيد من تواصل وترابط العلاقه .

نحن في الخليج نعاني من هذه المشكله يعني تخطب اقلب وجهك لين يسلمونك اياها ليله العرس , لا ويمكن ماتاخذها من القصر هم الي يجيبونها لك . مشكله تقول طرد فيدكس من يد مستلم في يد مستلم .

اغلب قبائل الخليج عند التصاهر . تجده اليوم الثاني يكره نسيبه الي زوجه ماهو السبب ؟ العادات التي لم ينزل الله بها من سلطان . على سبيل المثال
1 - اذا زوج الأب ابنته الغالبيه مايذهب الى زواج ابنته ( وكأن تم وطيها بالحرام ) .
2- الأمثله التي توقد النار في صدر هذا الأب والأخوه المتوارثه من اساطيل الأولين مثل " تسعين( .... )وزعها ياموزع ؟ قال ثلاثين ناقل شيخة مانفعها . وثلاثين مزوج بنته وتابعها . وثلاثين قاني العيس ولا (..... )
3 - استهتار غالبية الشعب بمن يذهب لزيارة انسابه فمثلاً ( من وين جاي يافلان قال جاي من عند انسيبي ) تصغير نسيب للإحتقار .

ياخي اكثر الشعب فاهم غلط طريقة النظره الشرعيه . ماهو كل من دق بابك قلت تفضل شوف . النظره الشرعيه اخر شي بعد السؤال عن الرجل وعن اخلاقياته والوثوق فيه وفي اقدامه على الزواج ثم مشاورت المخطوبه . بعد ذالك تأتي النظره الشرعيه وهي للأثنين جميعاً ربما الفتاه لايعجبها الشاب فيكون من حقها رفضه .

حنا عندنا في الخليج يجيك الخاطب يسحب ارقبته معه اثنين مثله يشهدون وينتهي الموضوع ويشيل الأب الدفتر الي كنه دفتر الصادر والوارد ويعطيه البنت وهو واقف على راسها ويقول اخلصي الرياجيل يحترونا .

وانت ماشفتها وهي ماشافتك يعني صن مغطا ممكن تطع اكه هاص وممكن سبعة شريه

اما من ناحية ماتفضل به ابو مهنا .... فهذه حقيقه لامفر منها والى الوقت الحالي لا اعلم سبب رئيسي خلف سواد الركبتين .

فاذا قمت بالسؤال اتتك الإجابه كالتالي ( حنا من يوم الله خلقنا نشتغل في البيت نمسح ونكنس ونشيل ونحط ) يعني الشعوب الثانيه همل مايشتغلون .
والله وبالله وتالله لو نأتي بجواري الدوله العباسيه لخدمتكن ان الركب السود سود .

يعني ذالحي في مصر وسوريا هذولي الي ينزلون في المزارع ويشتغلون ويرجعون البيوت ويكرفون ليش ماتصير ركبهم سود .

اما الرشاقه حدث ولا حرج ...
الأجسام الطول والعرض واحد كنك تعاين في بصله مو ادمي . زي قطمة السمنت

الأطم من هذا . التعامل خاصة الزوجه الي ماتعمل وظيفتها وشغلها انت . تأتي من العمل تلقى ورقة دفتر فيها طلبات لو تبي تعزم الحاره كفتهم .

يتم تغيير القناة اذا خرجت احدى المذيعات على شاشة التلفاز .

يخبرني احد زملائي في المدرسه يقول كنت اتجول في طرطوس انا وحرمي المصون . مسنتره قدام هي وخشتها .

يقول كنا نمشي بالسياره على الساحل وكانوا الحريم مالين المنطقه قلت للحرم المصون سبحان الي معطيهم الأجسام . هذولي وش ياكلون قالت ياكلون تبن ؟ يقول سكت وقلت في نفسي كلي تبن وصيري زيهم .

نظام الرجيم مره في السنه . تصمل شهر...... اسبوع ماتاكل شي . واذا جاء يوم الخميس اكلت فته .