السلام عليكم

نشاركم في هذا القسم
بـ قصيده من ارشيف الشاعر المبدع / ابراهيم سرور

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

لي ثلاث شهور وانا صابر ومتجزي=لاني مقيّد ولاني مطلق الحريه
باح سدي والرسايل كل يوم اتدزي=لا يديّه فارغه ولا مليت ايديه
صابني سهم العطب بين الضلوع انغزي=والله ان لاخذ بثاري دام نفسي حيه
سرّني ياللي ليا نشته برجلي فزي=فزة الشيهانه المذعوره الوكريه
لا انتهض بين المواتر شامتٍ متهزي=فيه غطرسة الزعيم وسطوةٍ مبليه
حي منهو صنّع الاسطوره المركزّي=كل ما زيد السليتر وش وشة حيه
بين قيره والمكينه سكنيٍ متوزي=لا أنتقل في رقم خمسه لبسته جنيه
كنه يقول ابشر بسعدك وعزك عزي=صيرميٍ شمر الذرعان وقت الهيه
وكنه اليا اقفى هنوفٍ ( ....... )=وكن كبوته فراش بدكة العصريه
لا تذكرت المسافه قمت الزه لزي=وقام يطفح بي وصار الدرب كله ليّه
ودني لديار منهو جز قلبي جزي=قبل اعرفه ما اعرف صفوى وابوحدريه
سرّني للي مغربلني ومحرق رزي=ما بقى الا ساعتين ويذن الفجريه !
[/poem]



وسلمتوا جميعا وصح لسان أبوخليل

سبحان الله وبحمده
سبحان الله العظيـم