قطّع عروق قلبي .. سد شريانـي
بس لا تترك جروح الهوى خطره !
حبك اللي تربّـع وسـط وجدانـي
حب شيخٍ عرف دينه على الفطره !
ماتعزويت يـومٍ باقـرب اخوانـي
عزوتي انت لو سيرة هلي عطره !
ما لعـن خيّـر اسلافـي وذكّانـي
غير يوم اشْحذ مْن وصالك القطره !
ما مـدا خافقـك يجفـا وينسانـي
وامس راوي فياض القلب بالمطره !
دوك شعـرٍ بكالـي يـوم بكّانـي
كل شرهه تعقّب شرهه لشطـره !
ضاقت اوراقي اللي منـك تنعانـي
كل حرفٍ ذرف دمعه على سطره !
ليت حبك نهايـة وآخـر احزانـي
كان ماشفت كبدي منك منفطـره !!
ياوجه الله
صح لسانك ياوجد
ابيات فاقت حدود الابداع
الله لايضرك
بانتظار جديدك
|