عايض النفيعي

الظروف تحدّ واللي ضامنه فالواقع
............................ حيّنا ما هوب ميّت فالظروف الحرجه








ما ألومك اليا استحسيتي و ضايقك النسيم العليل
وأنتي مسامات جلدك فاتحه واتعجعج أطيابها

طينتك مدهونة ٍ بالمسك .. سبحان العظيم الجليل
اللي عن الناس حتى فارق ٍ طينتك واترابها !!

اليا نقرك الهوى من شرق .. راح الغرب يهذل هذيل !!
تهْوي على ريحك اللي من قصاها ترقل اركابها

قامت تشيل الهبايب .. والهبايب ما معاها مشيل
تلعب براس الهواوي .. والهواوية على أعصابها

وأنا ليا هبّت الأنسام لو ( عقلي ) و ( وزني ) ثقيل ؟
من وين ما هبّت الأنسام .. تاقف بي على بابها

الجادل اللي يسمّى من عشقها .. ( عاشق المستحيل )
مجنون .. يقرا رسايلها وهي .. مكتوب ٍ اكتابها

أضحك مع الناس .. وأخنق عبرتي !! .. يا ليل ، منته بليل !!
من يوم قالوا : رفيق ٍ لك من الأدنين .. ( خطّابها )

يرسل ويكّد عليّه .. بالحضور .. وجعل عمره طويل
وأبسط حقوقه حضوري .. وأن حضرت أنوب غيّابها

ليته .. كتب تحْت "دعوه" في كروت العرس "صبرٍ جميل"
والاّ ترى من غلاه أحضر .. ورجلي ما أشكي أتعابها

أمد له مدّة ٍ جزله .. ليا من شح كف البخيل
واتمد له في ( زواجه ) كفها منقوش بخضابها !!

مبرووك بنت الكحيله .. والله ايْعوض الحصان الأصيل
سقت التباريك .. لو هي يمّ غيره .. عوج ٍ أرقابها

( أجري على الله ) يا قلب العنا .. لو كان ما ألقى بديل
أقطع علاقتك .. والأصحاب / مامونه / مع / أصحابها

الله يستر عليهم / وأيْهَديهم لـ / سواء السبيل
لو أني .. أخطتني الأفراح .. بأسبابه .. وبأسبابها

( تــنــاقيــــــــع )







..