[poem=font="Simplified Arabic,6,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياطيب فكر اللي على الذرب مبداه=الأول اللـي نظرتـه يـم عـزه
اللي على الفطره جلايل سجايـاه=وعن كل تربـه مجتهـد بالتنـزه
حلمه بياض الوجه والعرف ينصاه=وقبيلتـه مـن فعلتـه مستـعـزه
إن شاف من قاصي ربوعه مجافاه=بادر بحل(ن) قبل هرجه وخـزه
ولا شال ضده من غضب قو شلفاه=وعلم الردا مايذكـر بيـوم كـزه
يدرا عيوب أهله وناسـه ويرفـاه=لا صار عيب(ن) يلحقه منه هزه
رغم البساطه في محيط(ن) حوالاه=إلا إن عرفه لـه معانـي ومـزه
مايصدم أقرابه بموقـف امعـاداه=ولا يلحق الأقصين هزبـه وبـزه
يظن ظن(ن)زين في كل من جاه=والظن الآخر من سجلـه يجـزه
وماشافته عينه من الشين يمحـاه=ويحرج زبونه مايجـي مستفـزه
هذاه وصفه كـل ماحـل طريـاه=اللـي سلومـه للمعالـي تـلـزه
إن قلت غيّب وقتنا اليوم شـروه=واللاش جاله عقب شـرواه فـزه
جا للكلام اللـي نقولـه ونحمـاه=ميزان عدل وصدق ماأحدٍ يـوزه[/poem]

فهيد غازي النخيش