محمد مشوط

لو منحت فرصة الالتقاء بشخصية تاريخية عظيمة فمن ستختار!؟
بلا شك ، الرسول المصطفى صلى الله عليه وسلم .

ولو منحت فرصة الحديث مع الملك لخمس دقائق فماذا ستخبره!؟
وراك بخيل يا ياسر خمس دقايق بس ، هذا وهو حلم
لكن ما عليه ،
ابسولف على الملك بأوضاع الشعب ، ومستوى الرضا الذي يعيشونه
وابطلبه طلبين لنفسي . .

ولو قررت ترك كافة أموالك لشخص واحد فقط فمن سيكون!؟
لاحول ولا قوة إلا بالله ، كان قلت 2
لكن يالله إذا لقوا من وراي دراهم يبشرون
لكن دامها لواحد ولاقين لهم صرّة قروش ، فالله الله ببناتي وبس ...
<< اي والله تكفى بالعدل بينهن


ولو أتيحت لك فرصة تغيير جنسيتك أو عرقك أو دولتك فماذا تختار!؟
بما إني لبناني ، فراح اختار الجنسية العربية السعودية


ولو كان لديك فائض من المال فلأي جهة أو قضية ستتبرع!؟
يعني ما يبغونها الورثه ، ولايحتاجونها أهلي !!
خلاص لجمعية الأيتام ويرحمني الله

ولو كانت بيدك امتلاك موهبة اسثتنائية فماذا تكون!؟
ما ناقصني الا الحفظ ، واطير


ولو كان بيدك تغيير صفة في جسدك فماذا ستختار!؟
من فضل الله كامل الدسم


ولو خُيرت بطريقة موتك ومكان دفنك فماذا ستختار!؟
لا حول ولا قوة إلا بالله
صايم ووزائر مريض ومتصدق ومعتق رقبة في يوم جمعه ، وساجد تحت ستار الكعبة
واختار قبري وزان الرسول صلى الله عليه وسلم


ولو احترق منزلك فما هو أول شيء تفكر بإنقاذه بعد عائلتك!؟
الله يبطي بالشر ، ياخوك ماتعرف تسأل !!
تبى الناس يحترقون ليش
على العموم ماني بمجاوبك وانت تفاول علانا بالنيران


ولو قدر لك السفر عبر الزمن فما هي المعركة التاريخية التي تود رؤيتها!؟
دامها بالزمن كلبوهن ، اللي مع قريش واللي مع اليهود
واللي مع الفرس ، واللي مع الروم
وإن كان حروب عنتر معها ، ما يمنع الفرجه بلاش
<< بيشوف عنتر هو صدز يغول له 40 لحاله


ولو قدر لك السفر عبر الزمن فأي قرن ستختار سواء في الماضي أوالمستقبل!؟
لا اللي راح راح باللي راح به ، لكن ابشوف القرون الجايه
وش لون وضعهم ، عساهم أجواد مثلنا


ولو قرر (زوجكِ) الزواج من امرأة ثانية وترك لك الخيار فمن تفضلين!؟
وش تقول !!
<< يدوّر المطرق


ولو سألك أحدهم عن الشعب أو الأمة أو الثقافة التي تتمنى زوالها فمن تختار!؟
الثقافة اللي مضيعه الدرب ، واللي حاشره نفسها وهي في السعه
العلمانية والليبرالية وما شاكلها سبب القشرة والحكة اللي حاصلة يعني يبي لها شامبو

والا الشعوب والامم مالهم ذنب بفعل اشخاص


ولو قدر لك محاكمة أحد المسؤولين هذه الأيام فمن يكون!؟
وزير التجارة بلا شك ، ونلحقه براعي حماية المستهلك


ولو قدر لك إحضار قائد تاريخي معروف لقيادة الأمة الإسلامية الآن فمن ستختار!؟
عمر عمر عمر عمر الفاروق

ولو اكتشفت طريقة لتصبح رجلا خفيا فما هو أول من تفكر برؤيته (سرا)!؟
ياليت ، ياليت
كان يمديني اراسلكم من جهازه
<< اهم شي اللاب توب حقه ، والباقي ما أبيه


ولو قدر لك العيش لأطول عمر ممكن فكم سنة تريد!؟
1000 سنه
<< مفاردزك


لو تخيلت تأليفك لأحد الكتب العظيمة فأي الكتب تتمنى!؟
البداية والنهاية لابن كثير

وأخيراً؛ لو كانت لديك فرصة العيش لساعة واحدة فقط فلمن تعتذر، وبماذا توصي، ومن هو آخر إنسان تريد رؤية وجهه!؟


يالله حسن الخاتمة ، والله مادري من أذكر ، ووش بقول
لكن آخر واحد أبيه يكون عندي شيخ يذكرني بالشهادة ، والا الاحباب والاقراب
ما ودك يشوفون المواقف ذي




وسامحن على التأخير يا يسّووو ،