[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
من لايشوفك شي لاتنظره شي=ومن لايقّدر جيتك لاتجيله
عنه السعه لابارك الله ياخّي=بالضيق واجحاف العميل بعميله
صفعة جفا بمكانها تسوي الني=وتحرق قلوبٍ من جهلها عليله
مادمت لاجاهل ولا تابعٍ غي=وحملي اعرف كيالته قبل اكيله
تبطين يا يدينٍ تبي لويت يدّي=لو جارني ضيم الدهر مرتكيله
تطلع لك اشيا من مواقف ولاشي=وتصغر وتكبر ناس قدم الثقيله
لا تغرك الاسما من وين ومن أي=خل الفلك يفتر ويدور ويله
وتطويك لوعات الزمن تحتها طي=في وقتها قارن بالاسم وحصيله
وان طال بك ليلك يبي ياتي الضي=ويطعنك من تشكيه بمن تشتكيله
تجارب الايام ومسامر الكي=دروس والرجّال عقله دليله
والشجرة اللي مابها للعرب في=يالله تحرمها سحابٍ تخيله
لانافعة ميت ولانافعة حي=غصنٍ يباس وكل ريحٍ يميله
الطيب شي ولايقارن معه شي=والبخل ماعز اليدين البخيله
[/poem]