|
سوالف وعلوم !
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شفتك بعيني ما علي من السوالف والعلوم = جالس على الكرسي وراسك فوق وعيونك تحت
شفتك وشمس الحق تظهر لو تكانفها الغيوم = مهزوم وآثار الهزيمة فيك باقي ما أنمحت
حلمك غلب علمك وفسرته مفسرة الحلوم = وخسرت تقدير العرب لو أنها عنك صفحت
ماعاد فيها ياطويل العمر قومني وأقوم = ياليت عينك ما تعالت عن نظرها وشبحت
اشرب من الدلة وخلك في كنف شيخ العموم = وتعوذ من ابليس لامن الخيالات سبحت
واصبر لحكم الله ولا تلحق رداة الحظ لوم = لو إن مالك حظ ماكان الرياجيل دمحت
والبكرة اللي ماعليها لا شهود ولا وسوم = قد ضرها ركب الفحل قبلك وماتت ما لقحت
الحكي يستره السكوت ، الجسم تستره الهدوم = لكن وش اللي يستر الضيقة ليامن طفحت
وكانك تحس إنك بهذا الوقت معطى ومحروم = غيرك يحس إنه ملك لكن ظروفه ما سمحت
[/poem]
|