مرزوق الروقي

تواقيـــع العابرين :-

إنتقاء متعوب عليه لشعراء مميزين جداَ ومما هاجت قريحتهم به في العيد :-
*
ياصباح العيد ، ليت نفوسنا تشرب نقاك
لين تغسل ، ماعلَق من رغبة الدنيا ..بها
ياصباح العيد ، ليت الله يطوّل في بقـاك
في قلوب الناس ، ماهو في جديد ثيابهـا
واهني اللي عطاه الله عمر .. حتى لقاك
وعاد للدنيا ، وهو ناسي جراح انيابهـا

للمميز / فيصل السواط

*
كلمـتـي تهنـيـن بالـعـيـد وإلا
تعايديـن الجـرح كنـك ماتدريـن
مافيه شخص عـن خفوقـي تخـلا
كثرك ، مع إن ماكنت أضنك تخليـن
رحتـي ، وراح الشـر عنـي و ولا
ومن يوم عودتي ، وأنا خاطري شين

للمميز / فهد الزعبي

*
ما انت ب مثل الاعياد يا عيد الأضحى ،
خص السنة هذي ب وجهك تجاعيد .. !

ل الحزن ما ودي عن الفرحة .. أنحا ،
حسب الشريعة ، و إحترام التقاليد .. !

أنام و أصحى و أرجع انام و أصحى ،
ما أبغى أحس ب غيبته في ضحى العيد !



للمميز / طلال الجميلي

*

يآ بخت آلخضآب آللي تحطه على يمنآك
زهى في يمينك // قبل تزهى به كفوفك
عسى نلتقي في زحمة آلعيد أنآ ويـآك
و أضمك و أقول آلقلب ميّت على شوفك

للمميز / نواف المطيري

*
عيدك سعيد وعيدي اظلم من الليل !..................
بعيون من تطعن قوافيه جوفه..


خل الدموع تسيل وتسيل وتسيل ...................
دمعٍ على فرقاك ماهو حسوفه..


مخنوقةٍ من جور الايام بالحيل ...................
لا الوقت راحمني ولا بك مروفه..


اعدل الحظ الردي يرجع يميل....................
احايله .. يخنق فضاي بكفوفه !..


لا جبت لي عذرٍ ولاجبت تعليل ......................
واحساس قلبك صاير اليوم طوفه !..


قلي شسوي؟ مابقا للصبر حيل......................
كن المنايا بعد صدك تحوفه !..

للمميزه / وجد


وسلامتكم ..

<- عشان تعرفون ان عندي ذائقه خطيره

http://www.m-roq.com/