بدر .. ونجوم ..

قلبك اللي فاقده والله اني مااخذته ..
شوف غيري داام لك سيره مع كل النجوم ..

بيننا معروف يبقى وأن تركته لك حفظته ..
يحفظ المعروف بنت (ن) جدها سد اللزوم .!

انكسر جسر ٍ بنيته وانحفظ بيت(ن) كتبته ..
لا انفطر .. قلب المحِبه انجبر عود يصووم ..

مانت .. ملزوم(ن) تعذر دام دمعي ماسكبته ..
ولا أنت ملزوم ٍ تجيني داام قربي لك هموم ..

ابتعد .. والوصل عيب ٍ اعترف لك وراتكبته ..
ولجل تكفير الخطايا وصلنا عيا يدووم ..!

الامل طفل ٍ واشوفك من زعل قمت وضربته ..
وصار طفل الحب شيخ ٍ عاجز ٍ وزرا يقوم

سهل الله درب منهو باعني يومي عشقته ..؟
وبارك الله في عزوم ٍ ستاره مثل الهدوم ..

وقلبك اللي مااخذته والله أني مافقدته ..
داامني بدر ٍ تجلى وأنت عينك فالنجوووم..؟


وسلامتكم ..