كانوا هنا ياجرح بين الجناحين
لكن خذوا جنحان قلبي وطاروا


طاروا وخلولي قصيد وسهر عين
لكنهم بالذاكره ما تواروا


حتى اشتكى منهم سليل الشريفين
اليعربي اللي عليه استجاروا


اللي جعلهم في حياته عناوين
وغابوا عن عيونه عبث واستداروا


مسكين ياتباع درب المقفين
حكمة زمان اللي على الغبن ساروا


حفظتها في خاطري بين قوسين
لين الوهم والحلم فيني تباروا


واستصبرت نفسي على حظها الشين
حتى اقلبوها فوق راسي وناروا


وانا قعدت ازخرف البيت بيتين
عل وعساهم بالرجوع استخاروا


لكن كشفت اني ولازلت ذا الحين
ضحية " للي على الصدق ثاروا


حتى قطوف اللي شروها المحبين
عافوا قراءتها عشاني وغاروا