اسعد الله اوقاتكم بكل خير ..
تجربه شعريه جديده تحكي واقع لم اعاني منه بفضل الله ...ولكن البعض يعاني

[poem=font="Simplified Arabic,5,black,bold,normal" bkcolor="transparent" bkimage="backgrounds/40.gif" border="none,4,gray" type=0 line=0 align=center use=ex num="0,black""]
هل دمع العين قلت الله ياوبل السحابه=وكل ماقلت الله الله زاد دمع العين قوه
إيه صدري ضاق عقب أنه سفك دم الرحابه=وإيه بالي ضاق ساعة عكرت دنيآه جوّه
آه ياحزني وياوجدي وياشين الكآبه=يوم أشوف أخر زمن لو يبتسم وجهه مشوّه
مارضيت إلا بشيب الرأس حيث أنه مهابه=ولا قنعت إلا بصبري يوم زاد الوقت سوّه
بعد مافكرت فالدنيا الدنيئه والغرابه=فانيه ونشوفها فأحلى عمر..عمر الفتوّه
أثرنا ماكل بيت نعبد ربي في رحابه=وأثرنا ما كل من شبه (إ)له نار نشوف ضوّه
العمر كله سراب وغرنا شوفه سرابه=والحيآه اللي عليها العلم في عصر النبوه
وضعنا يشكي من الغربي ليا حرك ثيابه=وحالنا الحالي ياوجه الله مدحدر من علوّه
الليالي تختلف عن بعض لو فيها تشابه=واللبيب اللي يدل الدرب لو وقته يتوّه
وأبك أخوي اللي قبل ليله شرابي من شرابه=من تقاسم معي من حضن الأمومه والابوه
صد عني صد كني بيني وبينه حرابه=مابقى لي غير أردد بس ياليته ولوّه
كل ما أوجه ركابي يمه تقفي ركابه=وكل ما أذكر طعنة(ن) من كفه بصدر المروه
قمت أغني مثل من شاف (إ)له فارس واعتزى به=مايعرفه وإيتعزوى بالشجاعه والحموه
ذيب لو أنه درى عن وجد شالح في غيابه=كان حتى وسط قبره يفخر بقو الأخوه[/poem]