[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نايف على ماقالو البدو مرقاب=مرقب هبوب النود والعالم الله
والعالي اللي حايزن كل الاعجاب=قدر ومقامه زود والعالم الله
لشعر والشعار مقر الآداب=وتقبل عليه اوفود والعالم الله
جزل وثمين العلم يحسب له ا حساب=وراع الجزل محسود والعالم الله
و الجزل يبقى حي لو صاحبه غاب=جزل الجزل موجود والعالم الله
بصدورنا ما قال ابو زيد وذياب=والغالي المعقود والعالم الله
كم قاف لو قالو لنا شاب ماشاب=لاكن يبا مجهود والعالم الله
والشعر لو يسلم مجاملت الاصحاب=عدا عن المنقودوالعالم الله
راحت قناواة الفضا شعوب وحزاب=وقبر الشعر ملحود والعالم الله
تكانفوه وصار بيدين غلاب=وقنو البلح مجدود والعالم الله
وحب الظهور القصد واهم الاسباب=هذا هو المقصود والعالم الله
كلن يدور له من الناس طلاب=يحك عود بعود والعالم الله
لو ماش لازم من ورا فتل الاشناب=حكامنا الاسعود والعالم الله
وفخر النشاما الدين ماهو با الالقاب=وابو لهب ملهود والعالم الله
ماودنا عن باب نفتح لنا باب=بغلق المردود والعالم الله
يهل العلوم الطيبه كلنا احباب=والله هو المعبود والعالم الله
والشاعر الماخوذ لا صار مشذاب=نقوله مقرود والعالم الله
يلعب ويظهر له من الناس لعاب=وجم الروا مارود والعالم الله
يطير طير عقاب ويحول عقاب=وطير السعد موعودوالعالم الله
طير الشبب لاهد يدمي ابمخلاب=ولا ينطح العبرود والعالم الله
ومن لا يهاب ابسلم الاجواد ما يهاب=لا نشّع البارود والعالم الله
عشنا شباب ابمدرسة ناس شياب=لله در العود والعالم والعالم الله
لو ما مشينا ما جهلنا با الاقطاب=وندري عن النمرود والعالم الله
ومن لاتعب ما يطعم الشهد لا ذاب=والخالق المحمود والعالم الله
ويكفيك عن كل القناواة مرقاب=وقدر الجزيل يزود والعالم الله[/poem]