السلام عليكم ورحمة الله وبركاته



أعتذر اخواني عن انزال المواضيع بشكل متواصل , ولكن انتم كرماء ,

متواضعه لها شرف المرور ,



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]



مابين عصّف المشاعر وإجتياح الركود=تمرّد الشعر فيني مـن هنـاك وهنـا
شاعر وكنّ الجزاله في قصيدي تزود=لا من عسفّت الفرايد في خيالـي أنـا
أرقى بفكري سنود ( الفكر ) يرقى سنود=إلين نجم اليمانـي مـن علّـوي دنـا
أقدّر اللي يقدّر مـا أطيـق الجحـود=ولا احترم شخص فيه الطيب ذاب وفنا
حتى لو إني فقير وما بجيبـي نقـود=لكنّ في عزتي بالنفـس فاحـش غنـا
الوقت أوتار عمري والمقاديـر عـود=يعزف على نوتة الأيـام لحـن العنـا
الحب جمره ولكن ماتعرف الخمـود=والبعد عايش ولكـن المواصـل طنـا
والجادل اللي غلاها محتشد بي حشود=لبى غنجها وذاك الخصر يـوم إنثنـا
جمالها ما خلق زيّـه بهـذا الوجـود=طلّـة تبسامهـا مـا كنّـه إلا السنـا
عنود لكنّهـا ماهيـب أيّـت عنـود=تسوى بعيني جواهر وإبتهـال ورنـا
قولوا لها يوم هب الشوق نسناس نود=تمرّد الشعر فيني مـن هنـاك لهنـا [/poem]