عليكم السلام ورحمة الله وبركاته
لاباس يالوجه البشوش اللي ماقط انـه كشـر
دنياك هذا حالها والوقـت هـذا هـو ياخـي
انا بعد مثلك همـوم القلـب حاشرتـه حشـر
وسلمت قلبي لأمرها قلت اصلخي واللا اطبخي
همي كبر هضبة رهاط اللي ورى هضبة كشر
ارعي بجنبـه ياركـاب الحـزن والا نوخـي
حال الكفن والطين من بيني وبين اغلى البشر
ياضعف قلبي يوم حر الجوف يصخاني صخـي
يالله عسا عبدك يفوز برحمتـك يـوم النشـر
ويالله عسا هاك الجنازه في نعيـم البرزخـي
الموت مايعرف كبيـر السـن والا ابوعشـر
ولاياخذ الكف البخيل ويتـرك الكـف الصخـي
ومصايب الأيام زايدة علـى صحـف النشـر
احد"صبور ومحتسب واحد"بصوتـه يصرخـي
وحوادث الموت المفاجـي والتجلـط منتشـر
مار ارضخي يالروس في حكم المقادير ارضخي
والأرض صايبها قحط والناس صايبهـا قشـر
حبل المقاطع منشحط والوصل حبلـه مرتخـي
لكن حاول تعتذر مـن ربـك بيـوم الحشـر
نهـار ماتنفعـك ربعـك لوتصيـح وتنتخـي
لله درك يا عبدالكريم
والله انها درّه مكنونه .. ولا يكتبها الا المبدعين
رحم الله فقيدك وجميع اموات المسلمين
وصح لسانك مدد ،،
..
|