القلب من بعدك ترى فيه وسواس
والهم صاير فيه سارح وضـاوي
وفي الجروح كثار من غير مقياس
شوفي بعينك ماتفيـد الشكـاوي
ماكني الا عايـشٍ دور جسـاس
يومه جلى واصبح وحيد وجلاوي
في صحصحٍ مافيه زولٍ من الناس
مافيه غير الموت والذيب عـاوي
ولا كما طفلٍ عليـه الزمـن داس
امه توفت واخلفـت لـه بـلاوي
زوجة ابوه تشيّله غصب الاكياس
وتعذبـه لاقـال مانيـب قـاوي
هذا جزء واللي بقى بين الاقواس
ما احتاج اوضح ياعيون النداوي
والحل بيّدك والذهب ماهو الماس
ياسيدة مـن يلبسـن الغطـاوي
الله الله
رائعه يا نايف بروعة حضورك
شاعر جزل و مبدع كالعاده
ألف صح لسانك
تحياتي،،
|