|
الله يامحلا جمال الطبيعه ..!!
..
من الارشيف
[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سريت ليل أهل .. المحبه والاشواق =والبرق فالمنشا جذبني لميعه
ياليل لاتسري وانا أخيل براق=لحظتك من زود السعاده سريعه
ذكرتني ياليل حبٍ بالاعماق=مبداه مايخلف نظام الشريعه
للي من أجله دافع الشوق ينساق=سوق البكار الغفل بأرض شبيعه
في ديرة أهل الطيب راقين الأذواق=مرعية في حد قوم شجيعه
قلبي هواوي والهوى سلكه دقاق=والنفس تحت القلب دايم مطيعه
اغيب لامن سلهمت لي بالأحداق=في عينها نظرة بتيعٍ مريعه
مزيونة فيها من الحسن مالاق=ياليتها في حكم نفسي وديعه
عديمة الأوصاف .. زاهيت الأطواق=(( الله يامحلا جمال الطبيعه )) !
فكري مشتت يامنى الروح ماراق=وبعدك .. دهور الحال قربك .. ربيعه
مكانتك فالقلب ياتلع الأعناق=اليوم .. واللي راح .. واللي تبيعه
الروس تخضع من تحت موس حلاق=والحب يسطي لو سدودي منيعه
وانا حقيقة حق في بحرها ((خاق))=لكن تردعني .. سلوم رفيعه
مادام تملكنا المشاعر والأخلاق=الطيب ميراث لنا مانبيعه
أمسيت .. في وصلك متيم وسباق=وأصبحت .. بأظروف الزمان الشنيعه
الله ياضيق الأراضي والأفاق=في عين من ضاقت عليه الوسيعه
أجلس على الركبه وواقف على الساق=وابذل بأحاسيس الغلا ماأستطيعه
هذا كلامٍ ترجمه قلب عشاق=ماعاش عيشة .. مكر وألا خديعه
اما تجي مشتاق لعيون مشتاق =وألا تحمل .. للجفا والقطيعه[/poem]
..
عزي لـ / حال الشعر واصحاب الاذواق=وعزي لمن هي بالمشاعر رقيقه
اليوم صار الشعر سلعه فالاسواق =من عقب ماكانت بحوره غميقه
يالله لاتقطع رزق يارب الارزاق=وإنك تخارج من (( شفيق وشفيقه ))
النت والساحاات ماعاد تنطاق=يالله عساهم كلهم في حريقه
تصوير .. تحسينات .. واقلام واوراق=ومداخله بالثانيه والدقيقه
واللي على الشاشات يشرق بالارياق=والشعر مايدخل مجال المسيقه
تجمعوا مع طلعة الصبح بإشراق= وامسوا على ريعه وسدوا طريقه
واللي يسوق ابيات ماهيب تنساق=والمقتبس والسارقه والسريقه
لو استراحوا قوم ياطاق طرباق=واخلوا مجال افكارهم ماتطيقه
من شان راع العلم يشفق ويشتاق=ويقطف من البستان لذة رحيقه
لكن جوه افواج من كل الآفاق=وكلٍ على عرفه يشكل فريقه
وكلٍ على عرفه يشكل فريقه=وكلٍ على عرفه يشكل فريقه
n200m@hotmail.com
|