[poem=font="Simplified Arabic,6,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يحن قلب الحزين أن ضاق به صدره=ويمل صبر الحزين ويرسل الساعي
ويرد مرسوله بلا رد يعتبره=يبرر الغيبه اللي ما لها داعي
ويساير الوقت ويشيل الحمل ظهره=ما لا تطيقه جبال وتحمله قاعي
ويمل صبره ولكن ما نفذ صبره=ويضيق صدره وسده ما بعد شاعي
للي عليه المشاعر تبني الفكره=واللي عليه العيون عطاش وجياعي
متى ؟ يحس ويحن ويزرع البذره=عشان يحصد شتات أنسان منصاعي
منصاع للهم والأحزان من صغره=وله في مجال التعاسه خبره وباعي
يسود جنح الظلام ويبتدي صدره=يفض حزنه , ويسألني عن أوضاعي
أوضاعي أسوء من السيء ومنحدره=أرفع شراعي ولكن ينزل شراعي
الحظ خايب ولا لي بالزمن دبره=رايح لقسمي ولا لي عنه مرجاعي
الحل والربط للي عالي(ن) قدره=الخالق اللي لعفوه خلقه جياعي
ياوجه الأحزان يادفتره ياحبره=أليا متى والحياة أحزان وأوجاعي
أليا متى والحسد بالآدمي فطره=وأليا متى والذمم تشرى وتنباعي
متى يحل الوصال ويكتمل بدره=ومتى تكون المسافه بيننا ذراعي
يا صاحبي صاحبك ما عاد به قدره=على هموم(ن) تجيه أشكال وأنواعي
عزاه عقب المحبه تعلن السفره=سفرة جفا دون تبريرات ووداعي
يحن قلبي عليك أن ضاق به صدره=أرجوك أرجع ترى مال السفر داعي[/poem]