السلام عليكم ورحمة الله وبركاته.

مساء/ صباح الخير.

أخواني واخواتي اعضاء هذا الصرح الادبي الشامخ يشرفني أن اكون بينكم
واتمنى ان اقدم لكم ما ينال اعجابكم..
وهذه قصيدة أولى انزلها لكم آمل قبولها

[poem=font="Simplified Arabic,5,black,bold,normal" bkcolor="white" bkimage="" border="solid,2,black" type=1 line=1 align=center use=ex num="0,black""]
يا ماحلا ياهل القلوب النظيفه=قولة هلا والله يحييك يا ضيف
على الشحم والهيل يكفيك كيفه=والبن الاشقر حامسينه على الكيف
في مجلسٍ مافيه نفسٍ ضعيفه=فيه الرجال أهل الكرم والعواريف
أهل النفوس الطيّبه والعفيفه=اللي مجالسها تشرّفك تشريف
والسالفه جزله ولاهي خفيفه=وإن جات منقوله تجي دون تحريف
ولا جاء مجالٍ للعلوم الطريفه=تجي نظيفعه كنّها لمعة السيف
ياوقتي اللي صابني منك خيفه=كثرو بك أهل الكذب عشّاقة الزيف
اللي يردّون البصيره كفيفه=النور والظلمه تساوت وأنا معيف
واللي يحطّون الخفيفه كليفه=تساوت أ/سهولك بروس المشاريف
ما عاد باقي للجبال المنيفه=اللي المثل يضربّها فالمواقيف
أيّات قيمه في زمان الحسيفه=يوم الرجل ساووه بـ.أم المشانيف
وأهل الوظايف كاسبين الوظيفه=اليوم صاروا فالوطن دون توظيف[/poem]

وسلامتكمـ