السلام عليكم ورحمة الله وبركاته
ومتواضعة أتمنى أن ترقى لذوقكم الراقي
::
::

يا ضـيقة الخلق بالله فارقي عني
......................يكفيني اللي من أوجاع الزمن جاني
حاولت أعدل حياتي بس ما ظني
.........................الجرح ينسى ولا الاحزان تنساني
عانيت لوعة زماني من صغر سني
..........................وآهات تقفي وتقبل والعمر فاني
واليوم كل ٍ على ليلاه ويغني
............................وأنا مع الهـم يعزفني وغناني
حتى الليالي من الضيقات يبكني
......................وخاويت ليلي وطـول الهم خاواني
سمرت مع وحدتي وأيام فاتني
........................ورسمت خط الغروب لحلم وجداني
ودفنت آخر أمل للفرح ما كني
..............................إلا مودع ودور لي عمر ثاني
هذي حياتي أشوف الهم كفني
...........................وأبيات شعري تسطرني وتنعاني
والله مدري هجوسي وين ودني
.............................ومعاد أميز لو أن الجدي قداني
يا ضيقة الخلق بالله للفرح غني
...........................أنا من الضيق والله جيتلك عاني
تلميذكم
سعد المطيري