السلام عليكم ..

وكل عام وأنتم بخير ،



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=sp num="0,black""]
ياللي تدور علومي هذي أخباري = خذها من الرأس لا تجهل عناويني
على حدود أربعين أنهيت مشواري= بعد خدمت العلم تسع وثلاثيني
خدمة شرف للوطن والضيف والجاري= وخدمة ملوك العرب حماية الديني
علقت كل البدال الخرش وشعاري = ونجوم الإتقان والتاج ونياشيني
واليوم نمشي على مايسر الباري = أحرار عشنا ولا نملك ملاييني
الحال مستور ماحنا بتجاري = وعن شحذة الناس رب البيت يغنيني
ليا حصل ما كفا بيتي وزواري = للنار ما زاد عن نجري وسكيني
في سوق الأموال لا بايع ولا شاري = رزقي على الله وبالمكتوب راضيني
وأرجي من اللي لذنب الناس غفاري = يغفر لي الذنب و يثقل موازيني
وصلوا على المصطفى ماساير ساري = على شفيع البشر سيد الثقليني [/poem]