مداعبه بيني وبين شقيق الروح الشاعر سلطان بن حامد العصيمي



يقول /





يا ابن رشيد الله غفور ٍ لـ/ من تاب

وإن ما رحمك الله ترى ما أقدر أرحمك

الحق ّ له طلاب والبيت له باب

واللّي يبيك بـ/ عالي الصوت يزهمك

وأنا زهمتك وأنت فتّال الأشناب

لو الشنب ماهو من أبرز معالمك

تقول جيتك في الحفر وأنت لعّاب

تبى تعلّمني وأنا اللّي معلّمك

بيني وبينك نفد وسهول وهضاب

قصير لـ/ السّلمان والله مسلّمك

وإن جيت تلقى من مذاخير عتّاب

وريث عود ٍ يحتفي بك ويكرمك

وإما إنتصر لي منك مشعل وغلاب

وألا يا ابن زرّاق .. لازمك لازمك





وقلت





الله ولا بعض المشاكل والانشاب

اللي عليها امقرّد الناس يقحمك !

ايجيبها مابين عدوان واصحاب

واكبر مصيبه يفتري ثم يظلمك !

لكن جاء للعلم والحق طلاب

وان مافهمت العلم جاء من يفهمك !

مير اسمعوني وانصتوا ياولي الالباب

وقولوا لبن حامد تراني محشّمك !

تو استويت لنظم الابيات بأعجاب

ياشاعر بالهرج الاعوج نطق فمك !

مخلوق وتدوّر على حرث الاسباب

وتستفزع الروقه وتنفخ براشمك !

ماجبت لي غير الوذا وحرق الاعصاب

عصيمي ولا الله عن الشر عاصمك !!