[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الحزن وأدروب الشقا شآنها شان = ماهيب حول البرد والحب والكوت..!
دوآفع الوآقع قبل ضعف الإيمآن = وضواية الفقر وفقر لذة التوت ..!
حتى دموع العين في بعض الأحيآن = لا سيلت خدٍ من الحزن منبوت..!
ادر أنك بنعمه وخيرآت وأحسآن = وأنك بفضل الله مع الناس مبخوت..!
وليا طلع للحزن في القلب برهان = وخليت وفاض القلب والقلب منحوت ..!
لا تنكر الواقع وتجحد ولو بان = وضعك ولا تطلع من الوضع مبهوت ...!
سر النظر مفضوح من وسط الأعيان = وسر الصدر لو رده الصدر مهتوت..!
والحزن الأخر كل ما كنت غلطان = وعند العذر مالك من الناس منصوت ..!
كلٍ يقول الوقت قد طاف يا فلان = وكلٍ يشوتك بالحكي والنظر شوت ..!
لكن ورغم الموت وانواع الأكفان = وتوازي الأزوال في نظرة الحوت ..!
تدري وش أقسى نوع فأنواع الأحزان = وأقسى من أحزان الوفايات والموت ..!
أنك تعيش العمر كله رجا انسان = وتموت ما حصلت حتى صدى الصوت ..![/poem]
|