مطر العازمي

محاوره عنكبوتيه سابقه بيني وبين الشاعر المبدع محمد العضياني ( الشمالي الغربي ) الله يذكرك بالخير يابو خالد


طُلب مني نقلها هنا .. اتمنى لها القبول



مطر العازمي

الشمالي طال عمره بس باقي لـه بليّـه
يحسب انه ف اول ايامه ولد والعود فاني
سنّته راحو دبور ولا بقى منهـم بقيـه
نصهم قبل رمضان ونصهم بعد رمضاني






محمد الشمالي

الشمالي يامطـر يبغـاك تخطـب لـه بنيـه
انت الك جاهك ما بين الناس من قاصي وداني
الله اللي يامطر يامـر وينهـى فـى البريـه
من رحل يرحل ومن يبقى يجي له يوم ثانـي






مطر العازمي

انت اظنك تحسب انك في عصور الجاهليه
البنيه وش تبي بك وانت واطيك الزماني
لو تجيب الها القمر والشمس مالك قابليه
ان طرا طاريك قامت في دقيقه ما تدانـي






محمد الشمالي

ماعقلها غير شايب خل عنـك العنجهيـه
ماتبا اللي في فمه علكه وفي يمناه شاني
مير ياهذا الغليـم لاتسـوي لـي قضيـه
انت مني يامطر يجزعك قرصٍ فى الآذاني




مطر العازمي


انت عودٍ ما بقى في فمك نـاب ولا ثنيـه
حدتك غبر الليال السود عن شوف الغواني
لا تروح بعيـد وعيونك تعايـن فالمطيـه
المطيـه كايـده وتعايـن الحـر العمانـي






محمد الشمالي

يامطر هوّن على نفسك واخذ مني وصيه
لاتحسب ان الليال السود تعطيك الآمانـي
شمت عن بعض المطايا واخذها مني هديه
انت توك في شبابك والفرس تلقى حصاني








مطر العازمي

انته توصي ياشايبنا بعد جتك المنيـه
الله انه يرحم عظامك ويدخلك الجنانـي
مات بصري يالله انك ترحمه ياكثر غيه
العمر فاني وساعاته مثل عد الثوانـي







محمد الشمالي

ابك اثرني شايلٍ خرجي وخرجي فيه حيـه
يالغليـم لاتزعلنـي وللسـؤ اتحـدانـي
انت من ضمن الرعيه والا انا راعي رعيه
لاتطري لي طواري قصة فـلان وفلانـي

هذا حسابي في تويتر كامل
وعصفور حرفي باللحون يغرد

ويقدم من الشعر عرضِ شامل
وان فاح صدره باالقصايد برد

7
7

https://twitter.com/#!/otiby_m





abo-nayaaf@hotmail.com