:
( مطر ) .. علينا جعل ربي يزيده ..
و يعم فيه الخير .. قاصي و داني !
ودع سنة و استقبل أخرى جديده ..
تشبه بعض واجد و نفس الاماني !
تكبر و أنا اكبر .. و الحواجز عديده
مني انا ؟ و الا السبب من زماني ؟
خسرت ( واجد ) و العلاقة وطيده :
أمل سنين .. يروح بين .. ( الثواني )
حبيبتي .. في عيني أجمل قصيده ..
حتى تنافس ف الجمال .. ( الاغاني )
راحت .. و ماتت كل لحظة / سعيده
كانت : أنانيه .. و أنا كنت : أناني !
شريط عمري .. يوم أفله و أعيده ..
ابث له : ( شكري و جل إمتناني )
نفسي / أنا .. ما فيه : حاجة جديده
فـ الساحل الشرقي : مكاني / مكاني
|