[SIZE="6"]السلام عليكم ورحمة الله وبركاته

صووووووووت للأخ / محمد بن عبدالرحمن أبو نيان

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
إي والله إني يا محمد دوب ليمت الحصيل = أرسلت بكشوف الحساب الذبذبات اتزمها
هي ذوق والا شوق والا وصف مدري وش تخيل = بنتي وجاتك فالسعة وانته أبوها سمها
الله لا يفرق خليل ( ن ) عن مجالست الخليل = والا الزقنبيه بدعوايه فلا قد همها
تمسي وتصبح والبكار امن الفلس والجوع حيل = واللال حاديها وتنفث فالسوالف سمها
البارحة سمت المعاني لا ريال ولا كفيل = بايعني اللي بالحموله سبها ما ذمها
نفيلتن بالطيب لا هي بالكثير وبالقليل = مير الشهود اثنين هذا خالها ذا عمها
ادفع موخرها يا بونيان دام انك عميل = والشرط واضح في بنود البيع لزم اتمها
ما سمتها الا يوم تملك فالشعر باع ( ن ) طويل = تدفن جنايزها على جرد الورق واتصمها
كب المصلع لا حفرها جز راس وجاب ذيل = غزارة الانتاج والتوزيع سو(ن) جمها
بنت المغارة ما قناها فالبلد رجل ( ن ) جزيل = يا حلوها يا عنك يا ابن الشيخ ما اكثر سمها
والا الاصيله ما تدور فالرجال الا الاصيل = اللي ليا دارت دوايرها شجيع ( ن ) ضمها
المشكله من يمها فــ ارهاوت الرمش الكحيل = والمشكلة من يمي الشخصي لعينة امها
مدري استسغنا اللعن فالتعبير للشي الجميل = والا عقول الناس قاصرتن ولا احد(ن) يمها
بس الوكاد إن معجم آيات الجمال ابها نزيل = إي والله يلعن امها إي والله يلعن امها [/poem][/SIZE]