السلام عليكم ورحمة الله وبركاته


مصافحة ثانيه .امل ان ترقى لذائقتكم.وشاكر ومقدر حضوركم. والشكر موصول
للجنه المتابعه والتسجيل..

[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]


ياصويحبي طبعك يوردني العذاب=ماعاد ليه بالهنا من مستقر
ماعاد ليه بالهنا مدخل وباب=الا المساري لاهتنت عين البشر
لانامت العربان حثيت الركاب=لاجل اتدلّه من مقابيس الضرر
ماني بدواجٍ على بيع الثياب=ولاني بتاجر رزقته طوف الدير
انا بدويٍ مطعمه قل الزهاب=انا بدويٍ يشبعه عبس التمر
اجوع مثل الذيب لاشاف الذياب=قامت تقانب عند ابانات الحمر
لكن خفاقي من الهم استناب=واصبح ينادي خافقي ساعه فجر
وارجع وكني ماتعديت الخباب=ولاركبت البحر من عقب الوعر
ليه الاماني كلها طرد السراب=ليه الاماني كلها قفر ودهر
تامل الضامي على زل الشراب=وتامل الراعي على النبت الخضر
دايم امانينا على طمس الصواب=دايم امانينا على خط الخطر
والضيقه اللي كنها قنف الهضاب=حبستها من يوم كنا بالصغر
ولانشكي العبرات لو جانا جواب=مبني على الصدق المبرهن بالفخر
حتى دموع العين لاسالت تُعاب=ليش المدامع ؟وانت حماي العفر
ليس المدامع وانت ماحولك طلاب=كفكف دموعك لانغير بك نظر
قامت تعيبها مرشمة الخضاب=اللي يميني حاشها حوش الشجر
الله وكبر لاحساب ولاعقاب=الله وكبر. كيف عزي إنكسر؟
الله وكبر بالذهاب وبالاياب=صارت عيال البطن تمخش بالضهر
من بعد ماكنا لنا قلبٍ يُهاب=صرنا قلوبٍ نبضها خوف وذعر
صرنا خفافٍ فعلها قول وخطاب=والفعل ضايع والنتايج ماتبر
شاعرك شعره مثل همال السحاب=اللي مقره في صلافيح الصخر
بكره نموت ويلحق الوجه التراب=ولاعاد ينفعنا من الموت المفر
بكره نموت وتبدل الحر الغراب=وتعيش وتنسى ذكرنا طول العمر
ياصاحبي لاتنشدونا بالغيايب=الا لاحطوني ربوعي فالقبر
وشفت النعاوي نكست تلع الرقاب=وشفت المحاجر سيلت صدق العبر
واليا وحيت النوح مع كثر النحاب=هذاك راسي يوم غباه القدر
يارب راسي لاجرى يوم الحساب=في جنة الفردوس واكفيني سقر[/poem]




وسلامتكم ..


harar41@hotmail.com