[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
سيّري بي يامرازيم الغيوم = في سهول المملكه وجبالها
السحابه لقّحت من كم يوم = والصدور مخيّله همّالها
سيّلي بين الحويّه والجموم = وانثري الدلّه على فنجالها
اشهد انّي كان ما اسدّ اللزوم = لحيتي ماهي على رجالها
في علومٍ بيّنت بعض العلوم = وكبرت العقده على حلالها
مابقى فيها معاديل وسلوم = روّحوا عقألها جهّالها
نحسب العاقل مقدّر ومحشوم = واثر خلق الله على منوالها
وزلة الجهّال في حق القروم = قشةٍ تقصم ظهور جمالها
عاريه نبغى نلبّسها هدوم = مالقت رجّال يستر حالها
والادب خلا فضيلتنا تشوم = وكسّر ابواب الصبر واقفالها
كم صبرنا فالدفاع وفالهجوم = وابلشتنا فازعه بعيالها
لعنبو ماانتم رخومه يالرخوم = ياحثالة مجتمع يرثى لها
لامواجه يحمل الواحد يقوم = ولا سكوتٍ لو يصير اشوى لها
حكحكة هبّان في روس الرجوم = فرق بين اقوالها وافعالها
هيه فضلاً ياخصوص وياعموم = واقسم برب السما واهوالها
لو نبا ردّ السهوم من السهوم = "..." عدانا على "......."
ابك حنا المجد فرّيس النجوم = وكل شخصيّه بعشر امثالها
فالمكارم والمراجل والقسوم = والآخوّه والمروّه حالها
والحميّه والوفيّه واللزوم = ولكل دوله فالزمان رجالها
كم حنينا راس بقعا بالعزوم = وكم ربطنا الكايده بحبالها
وكان وصلت حدّ فركات الخشوم = مانبا فالديره الاّ ابطالها
والسلام ورحمة الله ، والعلوم = كل من ودّه بها يشتالها[/poem]
|