[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مرحبا بك ياغلا القلب وهيامـه=شوفتك منوه وطاريك ابتسامـه
كل ماتطري في بالي ساق شوقي=لك قصيدٍ عالي عنـدي مقامـه
ما تجمّله القوافـي لـو تبختـر=جمّله طاري فرض كل احترامـه
يوم يقبل .. تقبل افراحي بشوفه=ويوم يقفي .. يرسم بعيني علامه
ضيقةٍ بذّت خفـا سـود الليالـي=واحْرمت عين المعناّ من منامـه
يا وجودي وجد من خلوه ربعـه=في يدين اعداه مهدور الكرامـه
سلّموه بْـلا حميـه واغدروبـه=مات من غبنه قبل يقضي كلامه
امّه من الضيم تزبن كل طرقـي=تنتخي ماتدري السبـه عمامـه
ذا وجودي يوم اعاين فيك واقـرا=في عيونك روعة الحب وهيامـه
طار بي حسك ورفرف في سمايه=بيرقك .. وارجي مداهيل السلامه
يا عسا الله يحفظك حاضر وغايب=يا رحيق الشعر يا اعذب ختامه ![/poem]
لـــ الشاعره وجــد
صح الله السانك
|