المشهد اللي يعرضونه فالاخبـار
اللي يصـور لـك معانـاة جـدة

كلن تعاطف معه من شتى الاقطار
رحمه,ولو مافيـه رابـط مـوده

والكارثه مهيب في زود الامطـار
السيل في مجـراه لـو زاد حـده

الكارثة في خاين الديـن والـدار
اللي لبس له ثوب ماهـوب قـده

أللي صباح السبت يبني له جـدار
ويوم الاحد يرجع عليـه ويهـده

والكارثه في لعب تاجر وسمسار
من يستغل أخوه في وقـت شـده

هنا يبينون النشامـى وألاحـرار
وكلـن يعـود فاللـزوم لمـرده

والعلـم يعنينـا ولافيـه معـذار
من ساحل الدمـام لبحـر جـده

ننخى ملكنا العاهل الوالـد البـار
اللـي لياقـام بلـزوم ن يسـده

يحاسب الخاين على كل ما صار
ويردع جشع تجارنـا المستبـده

والله يجنب دارنا سوء الاخطـار
ياسامعي علمـي لمنصـاي وده

وسلامتكم ...


alghzili@hotmail.com