مخايل

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صوت الرياح اللي طوى نازح البيد= طي الأديب الألمعي لكتابه
خلى الشتا يشعل شجون المواقيد= كن الحطب للنار يعزف ربابه
وانا معك صدري من العيد للعيد= كم شب به جمر الغضى وانطفى به
تضحك ويثمر في شفاهي عناقيد= وتبكي ويورق في عيوني كا ّبه
واضماك وتشح بك عذب المواريد=واستسقي وصالك وتكذب سحابه!
واتبع سراب الحلم من دون تحديد=وتكذب مواعيده ويصدق سرابه
صرت الغني وراس مالي مواعيد=تراكمت طول الزمن في حسابه!
والضيقة اللي ضيقت شيخة الغيد= وش لون في صدري تدور رحابه
با الهون يا عليا على قلب ابو زيد=كم هم غيرك مر به ما درى به
يا ليت للفرحة شهادة مواليد= وادعي لك بها ساعة الاستجابة!
حملتي السلسال حر التناهيد = لو هو ذهب حر التناهيد اذابه
خليه يلعب من ربى النحر للجيد= لو فاض شلال الشعر والتوى به
مثلي هو السلسال ما يقبل القيد= لاجي لقى منفى جميل ورضى به!
وقولي لرواح المطر يغسل البيد=لاطفى الشتا نيرانه وصك بابه[/poem]

المرأة تبقى. مرأة
ومن تقول انها لا تحتاج إلى رجل في حياتها.
فهي. كاذبه.
أو لم تكتشف هذي الحقيقه إلى الان. ?.