عسى خطوات رجلينه لبيت الله عليـه شهـود
وليف الصف الاول والعلـوم البيـض مخبـوره
و عسى ربي يبيحه كل ما هبت هبـوب النـود
وعدد ما هزّت الغصن وعدد ما طارت طيـوره
وعسى ربي يظله من رضـاه بظلـه الممـدود
ويعتق من لهيب النار يوم الصحـف منشـوره
تحطه داخل الفردوس الاعلـى رحمـة المعبـود
آميـن وياعساهـا دعـوة ٍ ماهيـب مدحـوره
اللهم آمين
الله يصح لسانك شاعرنا على هـ المرثيه الحزينه
ويحسن عزاكم ويرحم فقيدكم ووالدينا وجميع موتى المسلمين
تقديري لك’,,
|