|
العدل
اخواني الغالين
شخصيه عظيمه وجدت من الاحداث الاخيره فرصه للكتابه عنها
[poem=font="Simplified Arabic,5,black,normal,normal" bkcolor="transparent" bkimage="" border="groove,4,gray" type=2 line=0 align=center use=ex num="0,black""]
عليك ياسيرة الفاروق مني سلام=السيره اللي يفوح العدل بانسامها
خليفة المصطفى اللي عزه الله وقام=باكبر فتوحات يمشي الشرع فاحكامها
رغم اتساع البلاد ورغم كبر المهام=قام بحقوق امة الاسلام ماضامها
يقول انا كيف انام وغيري احدٍ مانام=صوّام الايام والاسحار قوّامها
يكفي عجوزٍ عيون صغارها ماتنام=تحرك القدر تبغى تقنع ايتامها
جاها وجاب العشا الها فوق متنه شمام=يمشي لها بالعشا تقول خدامها
هذا مع انه شجاع وجانبه مايضام=شخصيته يفخر الاسلام باسلامها
له هيبةٍ ترهب قلوب العدا فالخصام=لاسل سيفه عداته ترجف عضامها
حتى الشياطين لاذلت وجاها انهزام=كانت تعرف ان عمر فالدرب قدامها
في قولة الحق مايخشى من اهل الملام=السن هل الشرك مايعجز عن الجامها
وعلى ولاته يزيد الحرص والاهتمام=يرعى الرعيه ويتألم من الآمها
ماقال كيف اغتني واحيا على مايرام!=الارض ملكي وكيف آكل من انعامها
ليته يشوف العرب في ساحة الاعتصام=قامت تظلّم ولاتخفي تظلاّمها
من تونس لمصر والمطلب سقوط النظام=من قلة العدل قامت ترفع اعلامها
واليا خمدت في مصر ثارت بروس الشوام=والظاهر انها يمنها لاحقٍ شامها
لو طبّق العدل فالأمه ماثار العوام=ولاقامت الناس تشكي ظلم حكامها
[/poem]
ملاحظاتي سببت لي صلف=فالوارده صلفان والشارده
افتح لها بالشعر عندي ملف=والصدق عدٍ يرتوي وارده
وان ورثوها من سلف لاخلف=تعيش والافكار متوارده
ماهوب لازم لاعزمت تحلف=قسها معي بالميل واليارده
كم معسرٍ ياخذ ثمنها سلف=لو ماحلف عزيمته وارده
وكم مغتني عنها يدور ويلف=ولياعزم عزيمته بارده
|